apne computer per urdu main kese type kerain

اپنے کمپیوٹر پہ اردو میں کیسے ٹائپ کریں



















اگر
آپ کے کمپیوٹر پہ ونڈوز ایکس پی Windows XP نصب ہے تو آپ اپنے کمپیوٹر کو
اردو میں ٹائپ کرنے کے لیے سیٹ کر سکتے ہیں۔ بہت سے اردو لکھنے والے اب تک
ان پیج InPage نامی سافٹ وئیر استعمال کر رہے ہیں مگر ان پیج میں ٹائپ کیا
جانے والا متن براہ راست ویب پہ نہیں چڑھایا جا سکتا جب کہ یونی کوڈ
Unicode والا متن یوں استعمال کیا جا سکتا ہے۔ اسی وجہ سے اب ان پیج کا چل
چلائو ہے اور لوگ یونی کوڈ میں اردو لکھ رہے ہیں۔
واضح
رہے کہ ونڈوز ایکس پی دنیا کی سینکڑوں زبانوں کے فونٹ کے ساتھ آتا ہے۔ مگر
کیونکہ بیشتر لوگ کمپیوٹر پہ انگریزی ہی استعمال کرتے ہیں اس لیے دوسری
زبانوں کی فائلیں پہلے سے طے شدہ نہیں آتیں بلکہ ان کی بابت کمپیوٹر کو
تیار کرنا پڑتا ہے۔
اگر آپ کے پاس ایسا کمپیوٹر ہے جس پہ ونڈوز ایکس پی نصب ہے تو آپ اس کمپیوٹر کو اردو ٹائپ کرنے کے لیے یوں تیار کریں۔
پہلا مرحلہ:
پہلے مرحلے میں آپ اپنے کمپیوٹر پہ اردو سے متعلق فائلیں نصب کریں گے۔
اسٹارٹ پہ جائیں اور کنٹرول پینل پہ جائیں۔
یہاں Date, Time, Language and Regional Options نامی شبیہ پہ کلک کریں۔



اس شبیہ کو کلک کرنے پہ آپ درج ذیل دریچے پہ پہنچیں گے۔ یہاں Regional and Language Options نامی شبیہ پہ کلک کریں۔


اب آپ درج ذیل دریچے پہ پہنچیں جہاں Languages نامی جدول کے نیچے درج ذیل متن نظر آئے گا۔



اگر آپ کے کمپیوٹر پہ انگریزی کے علاوہ دوسری زبانیں نصب نہیں ہیں تو دونوں پڑتال خانے {چیک باکس}، یعنی
Install files for complex script and right-to-left languages including Thai
اور
Install files for East Asian Languages
بے پڑتال {ان چیک} ہوں گے۔
اردو
کی تنصیب کے لیے آپ اول پڑتال خانہ چیک کریں گے۔ واضح رہے کہ اس خاکے میں
وہ پڑتال خانہ اور ملحقہ متن سرمئی اس لیے نظر آرہا ہے کیونکہ میرے
کمپیوٹر پہ اردو پہلے ہی نصب ہے۔
اگر
اردو {اور فارسی، عربی، عبرانی} کے ساتھ آپ چینی، جاپانی اور دوسری مشرق
بعید کی زبانیں بھی نصب کرنا چاہیں تو دوسرا پڑتال خانہ بھی چیک کردیں۔
چیکس باکس پہ کاڑی لگانے کے بعد Apply پہ کلک کریں اور پھر OK پہ کلک کردیں۔
اگر
ونڈوز ایکس پی پورا کا پورا آپ کے کمپیوٹر پہ موجود ہے تو اردو کی فائلیں
خود بخود متحرک ہو جائیں گی ۔ اگر ایسا نہیں ہے گویا ونڈوز ایکس پی نصب
کرتے ہوئے آپ نے صرف مخصوص فائلیں ہی اپنے کمپیوٹر پہ نصب کی تھیں تو آپ
کا کمپیوٹر آپ سے تقاضہ کرے گا کہ آپ ونڈوز ایکس پی کی ڈسک پھر سے کمپیوٹر
میں ڈالیں تاکہ کمپیوٹروہاں سے اردو والی فائلیں اٹھا سکے اور انہیں نصب
کر سکے۔
دوسرا مرحلہ:
موجود زبانوں میں اردو کا چنائو۔
پہلے
مرحلے میں آپ نے کمپیوٹر کو اردو سمیت بہت سی زبانوں کے لیے تیار کر دیا۔
اب دوسرے مرحلے میں آپ کمپیوٹر کو بتائں گے کہ آپ ان بہت سی زبانوں میں سے
اردو کا چنائو کرنا چاہتے ہیں۔ پہلے مرحلے میں دی گئی ہدایات کے تحت درج
ذیل دریچے تک پہنچیں۔




یہاں Details نامی بٹن پہ کلک کریں۔ آپ یہاں پہنچیں گے۔






اس
خاکے میں بائیں طرف انگریزی کے علاوہ اردو اس لیے نظر آ رہی ہے کیونکہ میں
پہلے ہی اردو کا چنائو کر چکا ہوں مگر اگر آپ پہلی بار ایسا کر رہے ہیں تو
بائیں طرف صرف English نظر آئے گا۔ اردو کے چنائو کے لیے Add نامی بٹن
دبائیں۔
آپ یہاں پہنچیں گے۔
اور ڈراپ ڈائون مینیو کا تیر دبا کر آپ ان تمام زبانوں کا معائنہ کرپائیں گے جن کاچنائو آپ کر سکتے ہیں۔ یہاں سے اردو کا چنائو کریں۔
جب Input Language نامی خانے میں آپ اردو لے آئیں تو نیچے
Keyboard layout/IME
نامی
پڑتال خانے کو چیک کردیں۔ اس بات کی پرواہ نہ کریں کہ اس خانے میں آپ کو
Phonetic Keyboard والا وہ متن نہیں نظر آرہا ہے جو اس خاکے میں نظر آ رہا
ہے۔ یہ کمپیوٹر پہلے ہی تمام مراحل سے گزر چکا ہے اس لیے یہ مثالیں آپ کو
نظر آنے والی شبیہات سے کچھ مختلف ہیں۔ آپ پرواہ نہ کریں اور آگے بڑھتے
جائیں۔
پڑتال خانہ چیک کرنے کے بعد OK دبائیں۔
آپ واپس یہاں پہنچ جائیں گے۔




یہاں Apply پہ کلک کریں اور پھر OK کلک کریں۔
اب
آپ اردو میں ٹائپ کرنے کے لیے تیار ہیں۔ ایک نئی Microsoft Word فائل
کھولیں۔ کچھ بھی ٹائپ کریں۔ ٹائپ کرنے والے حروف انگریزی میں ہوں گے۔ اب
Alt دبا کر Shift دبائیں۔ آپ غور کریں گے کہ کمپیوٹر میں بالکل نیچے ایک
نشان EN کی جگہ UR کی جگہ لے لے گا۔ اب کچھ ٹائپ کریں۔ حروف اردو میں ٹائپ
ہو رہے ہوں گے۔
اگر
آپ اردو کا کلاسیکی کی بورڈ استعمال کر چکے ہیں تو یہاں تک کا معاملہ آپ
کو اپنے کمپیوٹر پہ اردو میں رواں کرنے کے لیے کافی ہے کیونکہ مائکروسوفٹ
کا اردو ڈیفالٹ کی بورڈ کلاسیکی ہے۔ {گویا آپ A دبائیں گے تو اردو حرف م
ٹائپ ہوگا۔}
لیکن
اگر آپ نئے زمانے کے اردو ٹائپ کرنے والے ہیں جس نے ان پیج کے ذریعے اردو
میں ٹائپ کرنا سیکھا ہے تو آپ یقینا فونیٹک کی بورڈ کے عادی ہیں یعنی وہ
کی بورڈ جس میں انگریزی حروف کی آوازوں کے مقابل اردو حروف ان ہی کلیدوں
سے لکھے جاتے ہیں، یعنی A والی کلید سے اردو حرف الف، B والی کلید سے اردو
حرف ب وغیرہ۔
اگر معاملہ یوں ہے تو آپ کو انٹرنیٹ سے تلاش کر کے ایک صوتی یعنی فونیٹک کی بورڈ نصب کرنا ہوگا۔
تیسرا مرحلہ:
فونیٹک کی بورڈ نصب کرنا
آپ
انٹرنیٹ پہ Google کے ذریعے ایک اردو فونیٹک کی بورڈ تلاش کر سکتے ہیں۔ یہ
ایک ایسی فائل ہے جس کو نصب کرنے سے آپ کا اردو کی بورڈ فونیٹک ہو جائے گا۔
مثال کے طور پہ آپ صوتی اردو کی بورڈ یہاں سے ڈائون لوڈ کر سکتے ہیں۔
http://www.crulp.org/software/localization/keyboards/CRULPphonetickbv1.1.html
اس فائل کو ڈائون لوڈ کرکے اس کو دہرا کلک کرنے سے فونیٹک کی بورڈ آپ کے کمپیوٹر پہ نصب ہو جائے گا۔
اب
مرحلہ ہے کمپیوٹر کو یہ بتانا کہ وہ مائکروسوفٹ کا ڈیفالٹ کی بورڈ نہ
استعمال کرے بلکہ آپ کا حالیہ نصب شدہ صوتی کی بورڈ استعمال کرے۔
کمپیوٹرکو یہ بتانے کے لیے آپ پھر یہاں پہنچیں۔



یہاں
Keyboard layout نامی پڑتال خانے میں ڈراپ ڈائون تیر کلک کریں اور نیچے
فہرست سے فونیٹک کی بورڈ منتخب کریں۔ پھر OK کلک کرنے سے آپ واپس یہاں
پہنچیں گے۔
اب
بائیں طرف اردو کے نیچے دو کی بورڈ نظر آ رہے ہوں گے۔ ایک مائکروسوفٹ کا
کلاسیکی اور دوسرا فونیٹک کی بورڈ جو آپ نے ابھی نصب کیا ہے اور منتخب کر
لیا ہے۔ مائکروسوفٹ کا کی بورڈ منتخب کر کے اسے ہٹا دیں،Remove بٹن کے
استعمال سے۔


ھر Apply پہ کلک کریں اور پھر OK کلک کریں۔
اب آپ باآسانی اردو میں ٹائپ کرنے کے لیے تیار ہیں۔

very nice keep it up

thnx